

D3121

ཞེས་པའོ། །འཕགས་མ་རྨ་བྱ་ཆེན་མོའི་སྒྲུབ་ཐབས་རྫོགས་སོ།།[་]@##། །སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་བཞུགས། @#། །དེ་བཞིན་ཐམས་ཅད་སྔར་གྱི་ཆོ་གས་སྟོང་པ་ཉིད་ཀྱི་རྗེས་ལ། སྟོང་ཆེན་མོ་རབ་ཏུ་འཇོམས་མ་དཀར་མོ་ཞལ་གཅིག་ཕྱག་དྲུག་པ་སྟེ། གཡས ཀྱི་ཕྱག་གསུམ་ན་གོ་རིམས་བཞིན་དུ་རལ་གྲི་དང་།མདའ་དང་མཆོག་སྦྱིན་པའོ། །གཡོན་གྱི་ཕྱག་གསུམ་ན་གཞུ་དང་། ཞགས་པ་དང་སྟ་རེའོ། །སྣ་ཚོགས་པའི་ཆ་བྱད་ཅན། ན་བཟའ་དང་། རྒྱན་དང་དབུ་རྒྱན་དང་ལྡན་པ། གཟུགས་དང་ལང་ཚོ་དང་ལྡན་པ། སྒེག་པ་ལ་ ་སོགས་པའི་ཡོན་ཏན་དང་ལྡན་པ།